Fitjar Kommune, IKT-avdelinga i Fitjar rådhus

Om Fitjar kommune

Fitjar kommune er ein kommune med korte avstandar, høg grad av tillit og nær kontakt mellom tilsette, leiarar og innbyggjarar. Hos oss får du høve til å arbeida tett på organisasjonen og vera med på å påverka utviklinga av kommunen sine tenester.

Arbeidsstaden er Fitjar rådhus. Du vil vera kommunen sitt sentrale kontaktpunkt innan IKT og digitalisering, og gjennom samarbeidet med IKT Nordhordland vera del av eit større og kompetent fagmiljø. Dette gir ein spennande kombinasjon av sjølvstende, ansvar og fagleg støtte.

Som tilsett i Fitjar kommune blir du del av ein organisasjon som legg vekt på samarbeid, utvikling og gode tenester for innbyggjarane.